بابا کے نام

غنچوں کے چٹکنے کی صدا ہیں میرے بابا
پھولوں کے مہکنے کی ادا ہیں میرے بابا

پہنچاتے ہیں ہر شخص کو جو فیض مسلسل
بس قادرِ مطلق کی عطا ہیں میرے بابا

ہر لفظ میں اُن کے لیے اِک جذ بہ ءِ تحسیں
اخلاص و عنایت کی نوا ہیں میرے بابا

دنیا میں وہ انسان کی عظمت کے ہیں پیکر
دیں دار ہیں ، تصویرِ حیا ہیں میرے بابا

ہر محفلِ بے رنگ کو کرتے ہیں وہ خوش رنگ
سب جلتے چراغوں کی ضیا ہیں میرے بابا

ہر شخص پہ ہوتی ہے عنایات کی بارش
ہاں سب کے لیے حرفِ دعا ہیں میرے بابا

اُن کے لیے ہیں ہر وقت دعائیں
میرے لیے انعامِ خدا ہیں میرے بابا
💕۔۔۔۔۔۔۔۔۔۔۔۔💕💕💕۔۔۔۔۔۔۔۔۔۔۔۔💕