حضرتِ سیِّدُنا قتادہ رضی اللہ تعالیٰ عنہ کی نصیحت :

logomaqbooliya

حضرتِ سیِّدُنا قتادہ رضی اللہ تعالیٰ عنہ کی نصیحت :

حضرتِ سیِّدُنا قتادہ رضی اللہ تعالیٰ عنہ فرمایاکرتے: ”اے لوگو! کیا تم میں اس کی طاقت ہے؟ کیا تم جہنم کی آگ برداشت کر سکتے ہو؟اے لوگو! اللہ عَزَّوَجَلَّ کی اطاعت تمہارے لئے اس سے بہت آسا ن ہے لہٰذاتم اس کی اطاعت کرو۔” (حلیۃ الاولیاء ،کعب الاحبار،الحدیث۷۵۴۲،ج۵،ص۴0۸)

حضرتِ سیِّدُنا میمون بن مہران رضی اللہ تعالیٰ عنہ سے مروی ہے: ”جب یہ آیت مبارکہ نازل ہوئی: ”وَ اِنَّ جَہَنَّمَ لَمَوْعِدُہُمْ اَجْمَعِیۡنَ ﴿۴۳﴾۟ۙ ترجمۂ کنزالایمان: اور بے شک جہنم ان سب کا وعدہ ہے۔(پ۱۴،الحجر ،۴۳)” توحضرتِ سیِّدُنا سلمان رضی اللہ تعالیٰ عنہ نے اپنا ہاتھ سر پر رکھ لیا، پھرتین دن تک اس طرح حیرانی وپریشانی کے عالم میں گھر سے باہر رہے کہ کوئی بھی آپ رضی اللہ تعالیٰ عنہ کو سنبھال نہ سکتا تھا، یہاں تک کہ آپ رضی اللہ تعالیٰ عنہ کو لایا گیا۔”