وظیفہ اک یہی مشکل میں کام آیا ہے

logomaqbooliya

وظیفہ اک یہی مشکل میں کام آیا ہے
مرے لبوں پہ محمد کا نام آیا ہے
یہ دینِ احمدِ مختار ہے  جہاں والو
اسی کے صدقہ مرصع نظام آیا ہے
ہے التجا مری محشر میں امتی بولیں
ہمارے واسطے کوثر کا جام آیا ہے
وحی تو خیر بہانہ ہے اصل میں آقا
خدا کا عرش سے تم پر سلام آیا ہے
سنہری جالیاں تھامے ہوئے یہی بولوں
تمہارے در پہ تمہارا غلام آیا ہے
خدا کے نور کو لے کر زمین پر راہی ؔ
بشر کے روپ میں ماہِ تمام آیا ہے
ڈاکٹریٰسین راہیؔ
تراسگر، بلگام