اس کا طریقہ یہ ہے کہ سونے یا چاندی کے برتن میں جو چیز ہو اس کو بائیں ہاتھ پر انڈیل لیں یاپہلے کسی دوسرے برتن میں نکال لیں اس کے بعد دائیں ہاتھ سے اس چیز کو استعمال میں لایا جائے تو چونکہ اس طریقہ سے براہِ راست اس سونے چاندی کے برتن کا استعمال کرنا ثابت نہیں ہوتا لہذا عرف کا اعتبار کرتے ہوئے ایسا کرنا ممنوع بھی نہ ہو گا۔ اس حیلے سے یہ بات ظاہر ہو رہی ہے کہ یہ اس حرمت کو روک دیتی ہے جو براہِ راست اس برتن کو استعما ل کرنے کی وجہ سے لازم آتی ہے۔
