مَیں نے بیان کر دیا ہے کہ سرکارِ مدینہ ،قرارِ قلب وسینہ ،با عثِ نُزولِ سکینہ صلی اللہ تعالیٰ علیہ وآلہ وسلم کے خصائص میں سے یہ بھی ہے کہ آپ صلی اللہ تعالیٰ علیہ وآلہ وسلم کے لئے حضرات انبیاء کرام علیہم السلام کی مثل ظاہر اور شریعت کے مطابق اورحضرت سیدناخضرعلیہ السلام کی طرح باطن اور حقیقت کے مطابق فیصلہ کرنا جمع کردیاگیااور یہ ایسی خصوصیت ہے جس کے ساتھ صرف آپ صلی اللہ تعالیٰ علیہ وآلہ وسلم کو ہی اللہ عزوجل نے متصف فرمایا۔اس بارے میں علماء کرام رحمہم اللہ تعالیٰ کے اقوال اور مستند اَحادیثِ مبارکہ موجود ہیں۔
