طواف کے اول و آخر حجراسود کو بوسہ دینا،حج اور عمرہ کے طواف میں تمام پھیروں کو بحالت اضطباع کرنا اور ان طوافوں کے اول تین پھیروں میں رمل کرنا، طواف کی ابتداء حجراسود سے کرنا، طواف شروع کرتے وقت حجراسود کے مقابل آنے سے قبل کھڑے ہو کر رفع یدین کر کے تکبیر تحریمہ کہنا،بعد ازاں حجراسود کے مقابل آکر کندھوں تک ہاتھ اٹھا کر بِسْمِ اللہِ اَللہُ اَکْبَرُ وَ لِلہِ الْحَمْدُ وَالصَّلٰوةُ وَالسَّلَامُ عَلٰی رَسُوْلِ اللہِ کہہ کر سلام کرنا، پھیروں کو پے در پے بلافصل کرنا، وقفہ یا قلیل آرام پانی پینے کے لیے کرنا جائز ہے ہاں زیادہ وقفہ نہ کرے، مثلاً پاخانہ پیشاب کے لیے جانا یا وضو جاتا رہا تو وضو کے لیے جانا، یہ سب جائز ہیں، واپس آکر پھیرے پورے کر لے، نجاست حقیقی سے بدن اور کپڑوں کا پاک ہونا۔
