Our website is made possible by displaying online advertisements to our visitors. Please consider supporting us by whitelisting our website.

کون ایسا ہے جسے خیر وَریٰ نے نہ دیا

کون ایسا ہے جسے خیرِ وَریٰ نے نہ دیا

کوئی ایسا بھی ہے کیا جس کو خدا نے نہ دیا

آپ کے دِین کا مُنکِر ہے نرا ناشکرا

کوئی کافر ہی کہے گا کہ خدا نے نہ دیا

جس  کو  تم  نے  دیا    اللّٰہ نے   اس  کو   بخشا

جس کو تم نے نہ دیا اس کو خدا نے نہ دیا

آپ کے رَب نے دِیا آپ کو فضلِ کُلّی

وہ دِیا تم کو جو اَوروں کو خدا نے نہ دیا

وہ فضائل تمہیں بخشے ہیں خدا نے جن کا

آپ کے غیر میں اِمکان بھی آنے نہ دیا

مثل ممکن ہی نہیں ہے ترا اے لاثانی

وہم نے بھی تو ترا مثل سمانے نہ دیا

آپ کے جوڑ کا آئے تو کہاں سے آئے

جب وجود اس کو شہِ اَرض و سما نے نہ دیا

آدَم و نوح براہیم کلیم و عیسیٰ

ان کو سب کو مِلا کیا رَبِّ علا نے نہ دیا

باوجود اس کے تمہیں جو ملا ان کو نہ ملا

آپ کا رُتبہ کسی کو بھی خدا نے نہ دیا

سب مطالب مرے برآئے کرم سے اُن کے

کوئی مطلب بھی مرے دِل کا برانے نہ دیا

کیسی پُرنور ہے جنت کی فضا اے نوریؔ

پھر بھی طیبہ کا مزا اس کی فضا نے نہ دیا

error: Content is protected !!