یہ مرض عُمُوماً نیند نہ آنے یا پیٹ کی خرابیوں کے باعث یا کَنواروں کو شادی میں رُکاوٹ یا معاذَاللہ جَلَق (یعنی اپنے ہاتھ کے ذَرِیعے غسل فرض کرنے کی وجہ )سے ہو جاتا ہے۔ پاگل پن کے سبب آدَمی عجیب عجیب حَرَکتیں کرتا ، ڈراؤنی آواز یں نکالتا، بعض اوقات مار دھا ڑکرتا اور جو باتیں پہلے دِماغ سے گزر چکی ہوتی ہیں اُن کو دوہراتا ہے ۔ جب اس کی آنکھیں سُرخ ہو جاتی ہیں ، غُرّاتا ہے تو بسا اوقات تَوَہُّمات(تَ۔وَہ۔ ہُمات ،یعنی وہموں ) کے مارے لوگ سمجھتے ہیں کہ اِس کو جِنّات کے اثرات ہو گئے ہیں!اگرچِہ شریر جِنّات بھی پریشان کرتے ہیں لیکن اِس کی مخصوص علامات ہوتی ہیں، ہر مریضِ نفسیات کو خواہ مخواہ” آسیب زدہ ” قرار نہیں دیا جا سکتا۔
