Our website is made possible by displaying online advertisements to our visitors. Please consider supporting us by whitelisting our website.
islam

شہزادی کو نین کی زندگی

آئیں جب خاتون جنت اپنے گھر            
      پڑگئے سب کام ان کی ذات پر
کام سے کپڑے بھی کالے پڑگئے    
                ہاتھ میں چکی سے چھالے پڑگئے
دی خبر زہرا کو اسد اللہ نے        
                بانٹے ہیں قیدی رسول اللہ نے
ایک لونڈی بھی اگر ہم کو ملے            
          اس مصیبت سے تمہیں راحت ملے
سن کے زہرا آئیں صدیقہ کے گھر          
        تا کہ دیکھیں ہاتھ کے چھالے پدر
پرنہ تھے دولت کدہ میں شاہ دیں          
        والدہ سے عرض کر کے آگئیں
گھر میں جب آئے حبیبِ کبریا       
               والدہ نے ماجرا سارا کہا 
فاطمہ چھالے دکھانے آئی تھیں      
              گھر کی تکلیفیں سنانے آئی تھیں
آپ کو گھر میں نہ پایا شاہ دیں          
            مجھ سے سب دکھ درد اپناکہہ گئیں
ایک خادم آپ اگر ان کو بھی دیں             
     چکی اور چولہے کے وہ دکھ سے بچیں
شب کو آئے مصطفیﷺ زہرا کے گھر      
      اور کہا دختر سے اے جان پدر
ہیں یہ خادم ان یتیموں کے لئے                
      باپ جن کے جنگ میں مارے گئے
تم پہ سایہ ہے رسول اللہ کا               
           آسرا رکھو فقط اللہ کا
ہم تمہیں تسبیح اک ایسی بتائیں                
      آپ جس سے خادموں کو بھول جائیں
اولا سبحان ۳۳ بار ہو                 
               اور پھر الحمد اتنی ہی پڑھو 
اور ۳۴ بار ہو تکبیر بھی                       
     تاکہ سو ہو جائیں یہ مل کر سبھی
پڑھ لیا کرنا اسے ہر صبح وشام           
             ورد میں رکھنااسے اپنے مدام
خلدکی مختار راضی ہوگئیں               
           سن کے یہ گفتارخوش خوش ہوگئیں
سالک ان کی راہ جو کوئی چلے       
                 دین ودنیا کی مصیبت سے بچے

Related Articles

Check Also
Close
Back to top button
error: Content is protected !!