ارکانِ نماز کو طویل کرنا اور انہیں عمدگی سے ادا کرنا اور ان میں خشوع ظاہر کرنا، اسی طرح روزہ اور حج وغیرہ دیگر عبادات اور اعمال میں بھی ریاکاری کی انواع بے شمار ہیں۔
بعض اوقات ریاکار دکھاوے کے کاموں کو پختہ کرنے کا اتنا حریص ہوتا ہے کہ تنہائی میں بھی ان افعال کی مشق کرتا رہتا ہے تا کہ لوگوں کے مجمع میں بھی اس کی یہ عادت قائم رہے،لیکن وہ ایساخوفِ خدا عزوجل اور اس سے حیاء کے سبب نہیں کرتا۔
