اُونٹوں کی زکوٰۃمیں مادہ اونٹنی کی جگہ نَر اونٹ بھی دیا جاسکتا ہے مگر اس کے لئے ضروری ہے وہ قیمت میں مادہ سے کم نہ ہو۔ (الدرالمختار،کتاب الزکوٰۃ،باب نصاب الابل،ج۳،ص۲۴۰)
اونٹوں کی زکوٰۃمیں مذکورہ جانوروں کی جگہ ان کی قیمت دینا
اونٹوں کی زکوٰۃمیں مذکورہ جانوروں کی جگہ ان کی قیمت بھی دی جاسکتی ہے ۔
گائے کی زکوٰۃ
گائے اور بھینس کی زکوٰۃکی تفصیل کچھ اس طرح سے ہے :
٭ کم ازکم 30 گایوں یا بھینسوں پر نصاب پورا ہوتا ہے ،تیس سے کم میں زکوٰۃ واجب نہیں ہے ۔
٭30 سے 39 تک کی زکوٰۃ میں سال بھر کا بچھڑا ،یا بچھیادیں گے ۔
٭40 سے 59 تک کی زکوٰۃ میں دوسالہ بچھڑا، یا بچھیادیں گے ۔
٭60 میں سال بھر کے 2 بچھڑے یا بچھیادیں گے ۔
٭ 70 میں سال بھر کا 1 اور ایک 2سالہ بچھڑا یا بچھیادیں گے ۔
٭ 80 میں 2سالہ دو بچھڑے یا بچھیادیں گے ۔
(الدر المختار،کتاب الزکوٰۃ ،باب زکوٰۃ البقر،ج۳،ص۳۴۱ )
مزید آسانی کے لئے جدول ملاحظہ کیجئے :
گائے یا بھینس کی تعداد زکوٰۃ
30 ہوں تو ایک سال کا بچھڑا یا بچھیا
40 ہوں تو پورے دو سال کا بچھڑا یا بچھیا
60 ہوں تو ایک ایک سال کے دو بچھڑے یا بچھیاں
70 ہوں تو ایک سال کا بچھڑا اورایک دو سال کا بچھڑا
80 ہوں تو دو سال کے دو بچھڑے
