Our website is made possible by displaying online advertisements to our visitors. Please consider supporting us by whitelisting our website.
islam

گزرے جس راہ سے وہ سیِّدِ والا ہو کر

گزرے جس  راہ  سے  وہ  سیِّدِ  والا  ہو  کر
رہ گئی ساری زَمیں     عَنْبرِ سارا ہو کر
رُخِ اَنور کی تجلی جو قمر نے دیکھی
رہ گیا بوسہ دہِ نقشِ کفِ پا ہو کر
وَائے محرومیِ قسمَت کہ میں     پھر اب کی برس
رہ گیا ہمرہِ زَوّارِ مدینہ ہو کر
چمنِ طیبہ ہے وہ باغ کہ مُرغِ سِدرہ
برسوں     چہکے ہیں     جہاں     بلبلِ شیدا ہو کر
صَرْصَرِ دَشتِ مَدینہ کا مگر آیا خیال
رَشکِ گلشن جو بنا غُنْچۂ دِل وا ہو کر
گوشِ شہ کہتے ہیں     فریاد رَسی کو ہم ہیں    
وَعدئہ چشم ہے بخشائیں     گے گویا ہو کر
پائے شہ پر گِرے یارب تپشِ مہر سے جب
دلِ بے تاب اُڑے حشر میں     پارا ہو کر
ہے یہ امّید رضاؔ کو تِری رحمت سے شہا
نہ ہو زِندانیِ دوزخ تِرا بندہ ہو کر
٭…٭…٭…٭…٭…٭

Related Articles

Back to top button
error: Content is protected !!