Our website is made possible by displaying online advertisements to our visitors. Please consider supporting us by whitelisting our website.
islam

مبارک آگئے مکہ مدینہ دیکھنے والے حاجیوں کا استقبال

حاجیوں کا استقبال
مبارک آگئے مکہ مدینہ دیکھنے والے
خدا کا گھر رسول حق کاروضہ دیکھنے والے
حریم کعبہ میں مستوں کا میلہ دیکھنے والے
مزارمصطفی پہ حق کا جلوہ دیکھنے والے
جلال کعبہ کا اونچا منارہ دیکھنے والے
جمال گنبد حضراء کاتارا دیکھنے والے
لپٹ کر رونے والے کعبہ جاں کے غلافوں سے
نبی کے درپہ رحمت کابرسنا دیکھنے والے
طواف کعبہ میں ہرہر قدم پر جھومنے والے
بھرے پیالوں میں زمزم کا چھلکنا دیکھنے والے
جمال اقدس روضہ بسا ہے ان کی آنکھوں میں
حقیقت میں ہیں یہ جنت کا نقشہ دیکھنے والے
کمال شوق سے ہم ان کو سوسوباردیکھیں گے
بڑے پیارے ہیں یہ مکہ مدینہ دیکھنے والے
مبارک ہیں مبارک ہیں خداشاہدمبار ک ہیں
یہ مکہ دیکھنے والے مدینہ دیکھنے والے
ملا ہے اعظمی مکہ مدینہ سے شرف ان کو
نگاہ دل سے دیکھیں ان کارتبہ دیکھنے والے

Related Articles

Check Also
Close
Back to top button
error: Content is protected !!