جنت البقیع کے بعد جنت المعلیٰ دنیا کاسب سے افضل ترین قبرستان ہے۔ یہاں امُ المومنین خدیجة الکبری، کئی صحابہ و تابعین، اولیاء و صالحین حضرت عبداللہ ابن عمر، حضرت عبدالرحمن بن ابی بکر صدیق، حضرت عبداللہ ابن زبیر، حضرت اسماء بنت ابی بکر صدیق، حضور علیہ الصلوٰة والسلام کے دادا حضرت عبدالمطلب اور پردادا حضرت ہاشم بن عبد مناف رضی اللہ تعالیٰ عنہم کے مزارات مقدسہ ہیں ۔ سن ۱۹۲۵ء میں نجدی تسلط کے بعدان کے قبے وغیرہ شہید کر دیے گئے ہیں۔ مزارات کو مسمار کر کے ان میں راستے نکالے گئے ہیں لہذا دور ہی سے سلام عرض کرنا مناسب ہے۔ تاکہ ہمارے گندے پاؤں اہل اللہ کے مزارات پر نہ پڑیں۔ اس طرح سلام پیش کریں۔
