Our website is made possible by displaying online advertisements to our visitors. Please consider supporting us by whitelisting our website.
islamنعتیہ ادبی

حمد طاہرسلطانی

حمد
صِرف خدا کا دونوں جہاں میں ، نام و نشاں ہے جگمگ جگمگ
کہتا ہے قرآن مبیں یہ ، رب کا بیاں ہے جگمگ جگمگ
ارض و سما کا خالق و مالک ، تُو ہی ہے معبود ہمارا
نور سے تیرے امبر دھرتی سارا جہاں ہے جگمگ جگمگ
حمدِ رب ہے سب سے اعلیٰ ، امن کا نغمہ نور کا ہالا
حمد سے نسبت جس کو ہوئی ہے ، اس کا جہاں ہے جگمگ جگمگ
حمد خدا کی کرتے رہنا سرورِ دیںﷺ کی سنّت ہے یہ
اس رستے پر چلنے والا ، نور فشاں ہے جگمگ جگمگ
بزمِ جہانِ حمد سجی ہے ہر لب پر تعریف ہے رب کی
من آنگن میں یوں لگتا ہے ، کاہکشاں ہے جگمگ جگمگ 
خالق و مالک تیرے کرم سے ، تیرے حبیب ﷺ کے صدقے ہی میں
یہ بھی جہاں ہے جگمگ جگمگ وہ بھی جہاں ہے جگمگ جگمگ
حمدِ خدا کی رحمت ہی سے میری ایک اک حمد کے طاہرؔ
لفظ و معانی روشن روشن طرزِ بیاں ہے جگمگ جگمگ
طاہرسلطانی

Related Articles

Back to top button
error: Content is protected !!