Our website is made possible by displaying online advertisements to our visitors. Please consider supporting us by whitelisting our website.

حضرت فاطمۃ الزہرا کا جہیز

فاطمہ زہرا کاجس دن عقد تھا          
        سن لو ان کے ساتھ کیا کیانقد تھا
ایک چادر سترہ پیوند کی               
     مصطفیﷺنے اپنی دختر کو جودی
ایک تو شک جس کا چمڑے کا غلاف       
        ایک تکیہ ایک ایسا ہی لحاف
جس کے اندر اون نہ ریشم روئی             
   بلکہ اس میں چھال خرمے کی بھری
ایک چکی پیسنے کے واسطے                    
  ایک مشکیزہ تھا پانی کے لئے
ایک لکڑی کاپیالہ ساتھ میں             
   نقری کنگن کی جوڑی ہاتھ میں
اور گلے میں ہار ہاتھی دانت کا       
            ایک جوڑا بھی کھڑاؤں کا دیا
شاہزادی سید الکونین کی                  
  بے سواری ہی علی کے گھر گئی
واسطے جن کے بنے دونوں جہاں          
      ان کے گھر تھیں سیدھی سادی شادیاں
اس جہیز پاک پر لاکھوں سلام              
    صاحب لولاک پر لاکھوں سلام
error: Content is protected !!